''ਪਾਪਾ ਜੀ ਨਾ ਪੀਉ ਸ਼ਰਾਬ ਮੈਨੂੰ ਲੈ ਦਿਉ ਇਕ ਕਿਤਾਬ'' ਨੰਨਹ੍ੇ ਬੱਚੇ ਆਪਣੇ ਸ਼ਰਾਬ ਪੀਣ ਵਾਲੇ ਪਿਤਾ ਤੋਂ ਸ਼ਰਾਬ ਛੱਡਣ ਦੀ ਗੱਲ ਕਹਿ ਕੇ ਪੜਹ੍ਾਈ ਦੀ ਪੁਕਾਰ ਕਰਦੇ ਹਨ ਪਰੰਤੂ ਜੇ ਕਿਤਾਬਾਂ ਵਾਲੇ ਹੱਥ ਸ਼ਰਾਬ ਵੇਚਣ ਲੱਗੇ ਹੋਣ ਅਤੇ ਉਹ ਵੀ ਨਜਾਇਜ਼ ਇਹ ਗੱਲ ਸੁਣਨ ਨੂੰ ਭਾਵੇਂ ਹੀ ਅਜੀਬ ਲੱਗਦੀ ਹੋਵੇ ਪਰੰਤੂ ਬੁਢਲਾਡਾ ਸ਼ਹਿਰ ਦਾ ਇਕ ਖੇਤਰ ਅਜਿਹਾ ਹੈ ਜਿਥੇਂ ਨੰਨਹ੍ੇ ਬੱਚੇ ਡਿੱਬਾ ਲੈ ਕੇ ਸ਼ਰਾਬ ਵੇਚਣ ਦਾ ਧੰਦਾ ਕਰਦੇ ਹਨ. ਰੇਵਲੇ ਸਟੇਸ਼ਨ ਨਜ਼ਦੀਕ ਹੋਣ ਕਾਰਨ ਸਸਤੇ ਰੇਟ 'ਤੇ ਮਿਲਣ ਵਾਲੀ ਇਹ ਸ਼ਰਾਬ ਹੱਥੋ ਹੱਥ ਵਿਕ ਜਾਂਦੀ ਹੈ. ਪੱਤਰਕਾਰਾਂ ਦੀ ਟੀਮ ਨੇ ਜਦੋਂ ਇਸ ਸਥਾਨ ਦਾ ਦੌਰਾ ਕੀਤਾ ਤਾਂ ਉੱਥੇ ਦੋ ਬੱਚੇ ਬੇਖ਼ੌਫ਼ ਸ਼ਰਾਬ ਵੇਚਣ ਵਿਚ ਲੱਗੇ ਹੋਏ ਸਨ ਅਤੇ ਲੋਕ ਉਹਨਾਂ ਤੋਂ ਸ਼ਰਾਬ ਖ਼ਰੀਦ ਰਹੇ ਸਨ. ਬੋਤਲ ਖ਼ਰੀਦਣ ਦੀ ਕੰਪੈਸਟੀ ਨਾ ਰੱਖਣ ਵਾਲੇ ਗਾਹਕਾਂ ਲਈ ਅਧੀਆ ਅਤੇ ਪਊਏ ਦਾ ਇੰਤਜ਼ਾਮ ਵੀ ਕਰ ਦਿੱਤਾ ਜਾਂਦਾ ਹੈ ਅਤੇ ਅਹਾਤੇ ਦੇ ਤੌਰ 'ਤੇ ਪੀਣ ਲਈ ਗਿਲਾਸ ਤੇ ਪਾਣੀ ਵੀ ਮੁਹੱਈਆ ਕੀਤਾ ਜਾਂਦਾ ਹੈ. ਭਲੇ ਹੀ ਲੋਕ ਇਨਹ੍ਾਂ ਬੱਚਿਆਂ ਤੋਂ ਸਸਤੀ ਸ਼ਰਾਬ ਖ਼ਰੀਦ ਕੇ ਆਪਣੇ ਨਸ਼ੇ ਦੀ ਆਦਤ ਨੂੰ ਪੂਰਾ ਕਰਦੇ ਹਨ ਪਰ੍ੰਤੂ ਇੰਨਾਂ ਨੂੰ ਚੰਗੀ ਨਸੀਹਤ ਦੇਣ ਦੀ ਹਿੰਮਤ ਕਿਸੇ ਨੇ ਵੀ ਨਹੀਂ ਕੀਤੀ.
