ਬਾਦਲ ਸਾਹਬ ਮੈਂ ਸਰਬਜੀਤ ਬਣਾਂਗਾ,
ਮੈਂ ਵੀ ਦਾਰੂ ਪੀ ਕੇ ਬਾਰਡਰ ਲੰਘਾਂਗਾ।
ਮੇਰੀ ਧੀ ਨੂੰ ਤਹਿਸੀਲਦਾਰ ਬਣਾ ਦਿਓ,
ਮੇਰੀ ਲਾਸ਼ ਉਤੇ ਵੀ ਇਕ ਕਰੋੜ ਚੜ੍ਹਾ ਦਿਓ।
ਮੈਨੂੰ ਵੀ ਭਗਤ ਸਿੰਘ ਤੇ ਸਰਾਭਾ ਬਣਾ ਦਿਓ,
ਮੈਨੂੰ ਵੀ ਕੌਮੀ ਸ਼ਹੀਦ ਦਾ ਦਰਜਾ ਦਿਵਾ ਦਿਓ॥


''ਓ ਵੋਟਾਂ ਦੇ ਵਪਾਰੀਓ ਨਾ ਕਰੋ ਸ਼ਹਾਦਤ ਦਾ ਅਪਮਾਨ।
ਇੰਝ ਸਿਆਸਤ ਦੀ ਮੰਡੀ 'ਚ ਸ਼ਹੀਦੀ ਨੂੰ ਨਾ ਕਰੋ ਨਿਲਾਮ॥''

ਸਰਬਜੀਤ ਨਾਲ ਜੋ ਵਾਪਰਿਆ ਉਹ ਬਹੁਤ ਦੁੱਖਦਾਇਕ ਹੈ। ਉਸ ਦੀ ਜਿਵੇਂ ਮੌਤ ਹੋਈ, ਉਸ ਦਾ ਬਹੁਤ ਅਫ਼ਸੋਸ ਹੈ, ਪਰ ਸਰਬਜੀਤ ਦੀ ਮੌਤ ਦਾ ਜਿਵੇਂ ਸਿਆਸੀਕਰਨ ਹੋਇਆ, ਉਹ ਚਿੰਤਾ ਦੀ ਗੱਲ ਹੈ। ਸਮਝ ਨਹੀਂ ਆਉਂਦੀ ਕਿ ਉਸ ਨੂੰ ਕੌਮੀ ਸ਼ਹੀਦ ਦਾ ਦਰਜਾ ਦੇ ਕੇ ਇਹ ਸਿਆਸੀ ਧਿਰਾਂ ਸਰਬਜੀਤ ਦਾ ਸਨਮਾਨ ਕਰ ਰਹੀਆਂ ਹਨ ਜਾਂ ਭਗਤ ਸਿੰਘ, ਸਰਾਭਾ ਤੇ ਚੰਦਰ ਸ਼ੇਖਰ ਆਜ਼ਾਦ ਵਰਗੇ ਸ਼ਹੀਦਾਂ ਦਾ ਅਪਮਾਨ।         - ਦੀਪਕ ਸ਼ਰਮਾ ਚਨਾਰਥਲ