ਅਲਵਿਦਾ ਭੱਟੀ ਸਾਹਿਬ

ਭਟਕਿਆਂ ਨੂੰ ਰਾਹ 'ਤੇ ਲਿਆਉਣ ਵਾਲਾ ਭੱਟੀ।
ਹੱਸਦਿਆਂ-ਹੱਸਦਿਆਂ ਕਰ ਗਿਆ ਸਾਡੇ ਨਾਲ ਕੱਟੀ॥

ਤੂੰ ਤਾਂ ਲੋਕਾਂ ਦੀ ਆਵਾਜ਼ ਬਣ ਹਾਸਿਆਂ ਦਾ ਪਿਟਾਰਾ ਸੀ।
ਕਲਾਕਾਰਾਂ 'ਚੋਂ ਕਲਾਕਾਰ, ਇਨਸਾਨਾਂ 'ਚੋਂ ਇਨਸਾਨ ਨਿਆਰਾ ਸੀ॥

ਹੁਣ ਕੌਣ ਗਲਤ ਨੂੰ ਉਲਟੇ-ਪੁਲਟੇ ਅੰਦਾਜ਼ 'ਚ ਸ਼ੀਸ਼ਾ ਵਿਖਾਵੇਗਾ।
ਕਾਮੇਡੀਅਨ ਬਹੁਤ ਜੰਮਣੇ, ਪਰ ਭੱਟੀ ਕਦੀ ਮੁੜ ਕੇ ਨਹੀਂ ਆਵੇਗਾ॥

ਕਾਮੇਡੀ ਕਿੰਗ ਤੇ ਵਿਅੰਗਮਈ ਅੰਦਾਜ਼ ਵਾਲੇ ਉਘੇ ਸਮਾਜਸੁਧਾਰਕ ਜਸਪਾਲ ਭੱਟੀ ਜੀ ਨਾਲ ਫੀਫਾ ਐਵਾਰਡ ਦੇ ਲਾਂਚਿੰਗ ਪ੍ਰੋਗਰਾਮ ਦੌਰਾਨ ਮੇਰੇ ਨਾਲ ਉਨ੍ਹਾਂ ਦੀ ਉਹ ਤਸਵੀਰ ਜੋ ਹੁਣ ਯਾਦਗਾਰ ਤਸਵੀਰ ਬਣ ਗਈ ਹੈ।

ਅਲਵਿਦਾ ਭੱਟੀ ਸਾਹਿਬ
                                       ਦੀਪਕ ਸ਼ਰਮਾ ਚਨਾਰਥਲ

ਬਾਪੂ ਤੂੰ ਨਹੀਂ ਰਿਹਾ ਤੇਰੇ ਨਾਲ ਖਿਚਾਈਆਂ ਤਸਵੀਰਾਂ ਰਹਿ ਗਈਆਂ, ਕੱਲ੍ਹ ਤੱਕ ਜੋ ਕੱਪੜੇ ਸਨ ਤੇਰੇ ਅੱਜ ਉਹ ਲੀਰਾਂ ਰਹਿ ਗਈਆਂ। ਤੇਰੇ ਜਾਣ ਪਿੱਛੋਂ ਹਰ ਜੀਅ ਨੇ ਹਰ ਮਰਜ਼ ਦੀ ਦਵਾ ਤਾਂ ਖਾਧੀ, ਪਰ ਤੇਰੇ ਵਿਛੋੜੇ ਦੀਆਂ ਪੀੜਾਂ ਰਹਿ ਗਈਆਂ॥ -ਦੀਪਕ ਸ਼ਰਮਾ ਚਨਾਰਥਲ

ਮੇਰੇ ਬਾਪੂ ਤੇ ਬੇਬੇ 'ਦੋ ਜਿੰਦ ਇਕ ਜਾਨ' ਸਨ ਬਾਪੂ ਜਿਊਂਦਾ ਨਹੀਂ ਰਿਹਾ ਬੇਬੇ ਜਿਊਂਦੀ ਹੈ, ਪਰ ਉਸ 'ਚ ਜਾਨ ਨਹੀਂ ਰਹੀ

              ਦੀਪਕ ਸ਼ਰਮਾ ਚਨਾਰਥਲ    

ਉਹ ਮੌਜਾਂ ਭੁੱਲਣੀਆਂ ਨਹੀਂ ਜੋ ਬਾਪੂ ਦੇ ਸਿਰ 'ਤੇ ਕਰੀਆਂ

ਮੈਂ ਤਾਂ ਮੁੜ ਆਇਆ ਹਾਂ, ਪਰ ਮੇਰੇ ਬਾਪੂ ਨੇ ਹੁਣ ਇਸ ਦੁਨੀਆ 'ਤੇ ਕਦੇ ਮੁੜ ਨਹੀਂ ਆਉਣਾ।

ਉਹ ਮੌਜਾਂ ਭੁੱਲਣੀਆਂ ਨਹੀਂ ਜੋ ਬਾਪੂ ਦੇ ਸਿਰ 'ਤੇ ਕਰੀਆਂ

ਮੈਂ ਤਾਂ ਮੁੜ ਆਇਆ ਹਾਂ, ਪਰ ਮੇਰੇ ਬਾਪੂ ਨੇ ਹੁਣ ਇਸ ਦੁਨੀਆ 'ਤੇ ਕਦੇ ਮੁੜ ਨਹੀਂ ਆਉਣਾ।

ਸੇਵਾ ਇੰਝ ਵੀ : ਨੀਲੀ ਛੱਤ ਹੇਠਾਂ ਸੁੱਤੇ ਲੋਕਾਂ 'ਤੇ ਚੁੱਪ-ਚਪੀਤੇ ਪਾਏ ਕੰਬਲ

ਜੀ.ਡੀ. ਕਲਚਰਲ ਐਂਡ ਵੈਲਫ਼ੇਅਰ ਸੁਸਾਇਟੀ ਨੇ ਬੇਘਰੇ ਲੋਕਾਂ ਨੂੰ ਕੰਬਲ ਵੰਡੇ-

ਆਨੰਦਪੁਰ ਸਾਹਿਬ : ਨਸ਼ਾਖੋਰੀ, ਭਰੂਣ ਹੱਤਿਆ ਅਤੇ ਪਲੀਤ ਹੋ ਰਹੇ ਵਾਤਾਵਰਣ ਪ੍ਰਤੀ ਨਿਵੇਕਲੇ ਰੂਪ 'ਚ ਜਾਗਰੂਕਤਾ ਮੁਹਿੰਮ ਚਲਾਉਣ ਵਾਲੀ ਜੀ.ਡੀ. ਕਲਚਰਲ ਐਂਡ ਵੈਲਫ਼ੇਅਰ ਸੁਸਾਇਟੀ ਰਜਿ. ਆਨੰਦਪੁਰ ਸਾਹਿਬ ਵਲੋਂ 21 ਜਨਵਰੀ ਰਾਤ ਸੈਂਕੜੇ ਬੇਘਰੇ ਲੋਕਾਂ ਨੂੰ ਕੰਬਲ ਵੰਡੇ ਗਏ। ਆਨੰਦਪੁਰ ਸਾਹਿਬ ਅਤੇ ਕੀਰਤਪੁਰ ਸਾਹਿਬ ਦੇ ਰੇਲਵੇ ਸਟੇਸ਼ਨ, ਬੱਸ ਅੱਡੇ ਅਤੇ ਫ਼ੁੱਟਪਾਥਾਂ 'ਤੇ ਠੰਡੀ-ਯੱਖ਼ ਰਾਤ 'ਚ ਸੁੱਤੇ ਭਿਖਾਰੀਆਂ ਅਤੇ ਬੇਘਰੇ ਸਾਧੂਆਂ 'ਤੇ ਚੁੱਪ-ਚਪੀਤੇ ਕੰਬਲ ਪਾ ਦਿੱਤੇ ਗਏ। ਜੀ.ਡੀ. ਕਲਚਰਲ ਐਂਡ ਵੈਲਫ਼ੇਅਰ ਸੁਸਾਇਟੀ ਵਲੋਂ ਇਹ ਉਪਰਾਲਾ ਆਪਣੇ ਮੈਂਬਰਾਂ ਅਤੇ ਸਹਿਯੋਗੀਆਂ ਦੀ ਮਦਦ ਨਾਲ ਕੀਤਾ ਗਿਆ।
ਸੁਸਾਇਟੀ ਦੇ ਪ੍ਰਧਾਨ ਗੁਰਮੀਤ ਸਿੰਘ ਬੈਂਸ ਅਤੇ ਜਨਰਲ ਸਕੱਤਰ ਦੀਪਕ ਸ਼ਰਮਾ ਦੀ ਅਗਵਾਈ 'ਚ ਮੈਂਬਰਾਂ ਨੇ ਇਕ ਗੱਡੀ 'ਚ ਕੰਬਲ ਰੱਖ ਕੇ ਰਾਤ ਦੇ ਕਰੀਬ 10 ਵਜੇ ਤੋਂ ਬਾਅਦ ਆਨੰਦਪੁਰ ਸਾਹਿਬ ਅਤੇ ਕੀਰਤਪੁਰ ਸਾਹਿਬ ਦੇ ਖੇਤਰ 'ਚ ਜਿਹੜੇ ਵੀ ਸੜਕ ਕੰਢੇ ਨੀਲੀ ਛੱਤ ਹੇਠਾਂ ਠੰਡ 'ਚ ਠੁਰ-ਠੁਰ ਕਰਦੇ ਸੁੱਤੇ ਲੋਕ ਦੇਖੇ, ਉਨ੍ਹਾਂ 'ਤੇ ਚੁੱਪ-ਚਪੀਤੇ ਹੀ ਕੰਬਲ ਪਾ ਦਿੱਤੇ। ਇਸ ਦਾ ਪਤਾ ਜਦੋਂ ਮੀਡੀਆ ਨੂੰ ਲੱਗਾ ਤਾਂ ਉਨ੍ਹਾਂ ਦੇ ਪੁੱਛਣ 'ਤੇ ਸੁਸਾਇਟੀ ਦੇ ਜਨਰਲ ਸਕੱਤਰ ਦੀਪਕ ਸ਼ਰਮਾ ਨੇ ਕਿਹਾ ਕਿ ਕੁਝ ਕੰਮ ਦਿਖਾਵੇ ਦੀ ਥਾਂ ਸੇਵਾ-ਭਾਵਨਾ ਅਤੇ ਸਮਾਜ 'ਚ ਕੁਝ ਕਰ ਦਿਖਾਉਣ ਦੀ ਭਾਵਨਾ ਨਾਲ ਕਰਨੇ ਚਾਹੀਦੇ ਹਨ, ਇਸ ਕਰਕੇ ਅਸੀਂ ਕੋਈ ਸਮਾਗਮ ਕਰਨ ਦੀ ਥਾਂ ਸਹੀ ਮਾਅਨਿਆਂ 'ਚ ਲੋੜਵੰਦ ਵਿਅਕਤੀਆਂ 'ਤੇ ਸੁੱਤਿਆਂ ਹੀ ਕੰਬਲ ਪਾਉਣ ਦਾ ਫ਼ੈਸਲਾ ਕੀਤਾ ਸੀ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਸੁਸਾਇਟੀ ਵਲੋਂ ਪੰਜਾਬ ਪੱਧਰ 'ਤੇ ਪ੍ਰਤਿੱਗਿਆ ਮੁਹਿੰਮ ਸਫ਼ਲਤਾ ਨਾਲ ਚੱਲ ਰਹੀ ਹੈ। ਇਸ ਦਾ ਅਸਰ ਵੀ ਸਾਫ਼ ਦਿਖਾਈ ਦੇਣ ਲੱਗਾ ਹੈ। ਇਸ ਮੌਕੇ ਉਨ੍ਹਾਂ ਨਾਲ ਸੁਸਾਇਟੀ ਦੇ ਪ੍ਰਧਾਨ ਗੁਰਮੀਤ ਸਿੰਘ ਬੈਂਸ, ਸੰਦੀਪ ਕੁਮਾਰ ਵਿੱਕੀ, ਸੁਖਦੇਵ ਸਿੰਘ, ਗੁਰਪ੍ਰੀਤ ਸਿੰਘ, ਅਮਨਦੀਪ ਸਿੰਘ, ਤਲਵਿੰਦਰ ਸਿੰਘ ਬੁੱਟਰ, ਹਰਤੇਜ ਸਿੰਘ, ਅਤੇ ਹੋਰ ਮੈਂਬਰ ਵੀ ਹਾਜ਼ਰ ਸਨ।