ਧੀਆਂ ਬਚਾਓ, ਰੁੱਖ ਲਗਾਓ, ਪਾਣੀ ਦਾ ਸਤਿਕਾਰ ਕਰੋ...

ਉਪਰਾਲਾ : ਜੀ.ਡੀ. ਕਲਚਰਲ ਐਂਡ ਵੈਲਫ਼ੇਅਰ ਸੁਸਾਇਟੀ ਵਲੋਂ ਜਾਗਰੂਕਤਾ ਸੈਮੀਨਾਰ ਤੇ ਬੂਟੇ ਵੰਡ ਸਮਾਗਮ ੦ ਸੁਨੇਹਾ : ਪਾਣੀ ਨਾ ਬਚਾਇਆ ਤਾਂ 2025 ਤੱਕ ਪਿਆਸਾ ਮਰੇਗਾ ਪੰਜਾਬ, ਧੀ' ਨਾ ਸੰਭਾਲੀ ਤਾਂ ਮਾਂ' ਨਹੀਂ ਲੱਭੇਗੀ
ਨੰਗਲ, 16 ਜੁਲਾਈ 2010
ਅਸੀਂ ਜਿਸ ਤੇਜ਼ੀ ਨਾਲ ਕੁਦਰਤ ਦੇ ਅਨਮੋਲ ਖਜ਼ਾਨੇ ਪਾਣੀ ਦੀ ਦੁਰਵਰਤੋਂ ਕਰ ਰਹੇ ਹਾਂ, ਉਸ ਦਾ ਨਤੀਜਾ ਇਹ ਹੋਵੇਗਾ ਕਿ ਆਉਂਦੇ 15 ਵਰਹ੍ਿਆਂ ਤੱਕ ਪੰਜਾਬ ਪਿਆਸਾ ਮਰੇਗਾ. ਅੱਜ ਪੰਜਾਬ ਦੇ 141 ਵਿਚੋਂ 108 ਬਲਾਕਾਂ ਵਿਚ ਧਰਤੀ ਹੇਠਲਾ ਪਾਣੀ ਮੁੱਕਣ ਕਿਨਾਰੇ ਹੈ. ਅੱਜ ਨਾ ਸੰਭਲੇ ਤਾਂ ਕੱਲਹ੍ ਸਾਡੀ ਔਲਾਦ ਪਾਣੀ ਦੀ ਬੂੰਦ-ਬੂੰਦ ਲਈ ਤਰਸ ਜਾਵੇਗੀ.'' ਉਕਤ ਵਿਚਾਰ ਜੀ.ਡੀ. ਕਲਚਰਲ ਐਂਡ ਵੈਲਫ਼ੇਅਰ ਸੁਸਾਇਟੀ ਦੇ ਜਨਰਲ ਸਕੱਤਰ ਦੀਪਕ ਸ਼ਰਮਾ ਨੇ ਸਮਾਜਿਕ ਚੇਤਨਾ ਦੀ ਲਹਿਰ ਤਹਿਤ ਨੰਗਲ ਦੀ ਸਰਕਾਰੀ ਉਦਯੋਗਿਕ ਸਿਖਲਾਈ ਸੰਸਥਾ ਵਿਖੇ ਇਕ ਸੈਮੀਨਾਰ ਤੇ ਬੂਟੇ ਵੰਡ ਸਮਾਗਮ ਦੌਰਾਨ ਕਹੇ.
ਜੀ.ਡੀ. ਕਲਚਰਲ ਐਂਡ ਵੈਲਫ਼ੇਅਰ ਸੁਸਾਇਟੀ ਵਲੋਂ 4 ਫ਼ਰਵਰੀ 2010 ਨੂੰ ਸੱਚਖੰਡ ਸਰ੍ੀ ਦਰਬਾਰ ਸਾਹਿਬ ਅੰਮਰ੍ਿਤਸਰ ਤੋਂ ਅਰਦਾਸ ਕਰਕੇ ਪੰਜਾਬ ਪੱਧਰੀ ਪਰ੍ਤਿੱਗਿਆ ਮੁਹਿੰਮ ਆਰੰਭ ਕੀਤੀ ਗਈ ਸੀ, ਜਿਸ ਤਹਿਤ ਸੰਸਥਾ ਦੇ ਨੁਮਾਇੰਦੇ ਸੂਬੇ ਭਰ 'ਚ ਘਰੋ-ਘਰ ਜਾ ਕੇ ਲੋਕਾਂ ਨੂੰ ਨਸ਼ਾਖੋਰੀ, ਭਰੂਣ ਹੱਤਿਆ ਨੂੰ ਰੋਕਣ ਅਤੇ ਪਲੀਤ ਹੋ ਰਹੇ ਵਾਤਾਵਰਣ ਨੂੰ ਬਚਾਉਣ ਲਈ ਜਾਗਰੂਕ ਕਰ ਰਹੇ ਹਨ. ਇਸ ਲੜੀ ਤਹਿਤ ਨੰਗਲ ਦੀ ਸਰਕਾਰੀ ਉਦਯੋਗਿਕ ਸਿਖਲਾਈ ਸੰਸਥਾ ਵਿਖੇ ਸੈਮੀਨਾਰ ਅਤੇ ਬੂਟੇ ਵੰਡ ਸਮਾਗਮ ਕੀਤਾ ਗਿਆ. ਸਮਾਗਮ ਦੀ ਅਗਵਾਈ ਉਘੇ ਸਮਾਜ ਸੇਵੀ ਡਾ. ਸੰਜੀਵ ਗੌਤਮ ਨੇ ਕੀਤੀ ਜਦੋਂਕਿ ਪਰ੍ਿੰ. ਸਤੀਸ਼ ਕੁਮਾਰ, ਐਮ.ਸੀ. ਵਿਨੋਦ ਸ਼ਰਮਾ ਅਤੇ ਪਰ੍ਿੰ. ਸਰ੍ੀਮਤੀ ਰਾਜ ਰਾਣੀ ਉਚੇਚੇ ਤੌਰ 'ਤੇ ਸ਼ਾਮਲ ਹੋਏ.
ਆਏ ਮਹਿਮਾਨਾਂ ਨੂੰ ਸੁਸਾਇਟੀ ਦੇ ਪਰ੍ਧਾਨ ਗੁਰਮੀਤ ਸਿੰਘ ਬੈਂਸ ਨੇ ਜਿਥੇ ਜੀ ਆਇਆਂ ਕਿਹਾ, ਉਥੇ ਜਨਰਲ ਸਕੱਤਰ ਦੀਪਕ ਸ਼ਰਮਾ ਨੇ ‘ਸਾਡਾ ਸੰਕਲਪ ਨਸ਼ਾ ਮੁਕਤ ਸਮਾਜ' ਦੇ ਨਾਅਰੇ ਨੂੰ ਬੁਲੰਦ ਕਰਦਿਆਂ ਸਮਾਜ ਦੇ ਬੁੱਧੀਜੀਵੀਆਂ ਨੂੰ ਸੁਨੇਹਾ ਦਿੱਤਾ ਕਿ ਦੇਸ਼ ਦੀ ਜਵਾਨੀ ਨੂੰ ਨਸ਼ਿਆਂ ਤੋਂ ਬਚਾਉਣ ਲਈ ਹੰਭਲਾ ਮਾਰੋ, ਕਿਉਂਕਿ ਅੱਜ ਪੰਜਾਬ ਦੀ ਜਵਾਨੀ ਨਸ਼ਿਆਂ ਵਿਚ ਇਸ ਕਦਰ ਖੁੱਭ ਚੁੱਕੀ ਹੈ ਕਿ ਹਰ ਤੀਜਾ ਨੌਜਵਾਨ ਇਸ ਦੀ ਦਲਦਲ 'ਚ ਧੱਸਿਆ ਹੈ. ਇਸ ਦੇ ਨਾਲ ਹੀ ਉਨਹ੍ਾਂ ਪਾਣੀ ਦੀ ਸੰਭਾਲ ਅਤੇ ਭਰੂਣ ਹੱਤਿਆ ਨੂੰ ਰੋਕਣ ਦੀ ਲੋੜ 'ਤੇ ਜ਼ੋਰ ਦਿੰਦਿਆਂ ਦੱਸਿਆ ਕਿ ਪੰਜਾਬ ਦੀ ਜੋ ਹਾਲਤ ਹੈ, ਉਸ ਅਨੁਸਾਰ ਪੰਜਾਬ ਵਿਚ 2025 ਤੱਕ ਪਾਣੀ ਦੇ ਸਰੋਤ ਸੁੱਕ ਜਾਣਗੇ ਅਤੇ ਧਰਤੀ ਹੇਠਲਾ ਪਾਣੀ ਮੁੱਕ ਜਾਵੇਗਾ. ਜਦਕਿ ਪੂਰੇ ਭਾਰਤ ਵਿਚ 2035 ਤੱਕ ਧਰਤੀ ਹੇਠਲਾ 60 ਤੋਂ 70 ਫ਼ੀਸਦੀ ਪਾਣੀ ਮੁੱਕ ਜਾਵੇਗਾ. ਪੀਣ ਵਾਲੇ ਪਾਣੀ ਦੀ ਸੰਭਲ ਕੇ ਵਰਤੋਂ ਕਰਨ 'ਤੇ ਜ਼ੋਰ ਦਿੰਦਿਆਂ ਉਨਹ੍ਾਂ ਇਹ ਵੀ ਕਿਹਾ ਕਿ ਜੇਕਰ ਅਸੀਂ ਅੱਜ ਧੀ ਮਾਰਨੋ ਨਾ ਹਟੇ ਤਾਂ ਕੱਲਹ੍ ਸਾਨੂੰ ਮਾਂ ਨਹੀਂ ਲੱਭੇਗੀ.
ਇਸ ਮੌਕੇ 'ਤੇ ਸੰਬੋਧਨ ਕਰਦਿਆਂ ਵਾਤਾਵਰਣ ਪਰ੍ੇਮੀ ਡਾ. ਸੰਜੀਵ ਗੌਤਮ ਨੇ ਨਸ਼ੇ ਅਤੇ ਭਰੂਣ ਹੱਤਿਆ ਖਿਲਾਫ਼ ਲੜਾਈ ਨੂੰ ਆਪਣੇ ਘਰ ਤੋਂ ਸ਼ੁਰੂ ਕਰਨ ਦਾ ਸੁਨੇਹਾ ਦਿੱਤਾ. ਉਨਹ੍ਾਂ ਵਾਤਾਵਰਣ ਨੂੰ ਬਚਾਉਣ ਲਈ ਉਕਤ ਸੰਸਥਾ ਸਮੇਤ ਵੱਖ-ਵੱਖ ਐਨ.ਜੀ.ਓਜ਼ ਵਲੋਂ ਨਿਭਾਏ ਜਾਂਦੇ ਰੋਲ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਅੱਜ ਅਜਿਹੀ ਸਮਾਜਿਕ ਚੇਤਨਾ ਦੀ ਜ਼ਰੂਰਤ ਹੈ, ਜੋ ਬਿਨਹ੍ਾਂ ਕਿਸੇ ਦਿਖਾਵੇ ਤੋਂ ਹਕੀਕੀ ਰੂਪ ਵਿਚ ਸਮਾਜ ਨੂੰ ਬਚਾਉਣ ਲਈ ਆਪਣਾ ਵਡਮੁੱਲਾ ਯੋਗਦਾਨ ਪਾਉਣ. ਉਨਹ੍ਾਂ ਨੇ ਨਿੱਕੀਆਂ-ਨਿੱਕੀਆਂ ਟਿੱਪਣੀਆਂ ਰਾਹੀਂ ਸਾਡੀ ਜੀਵਨਸ਼ੈਲੀ 'ਚ ਆ ਰਹੇ ਵਿਗਾੜਾਂ ਤੋਂ ਬਚਣ ਦੀ ਵੀ ਅਪੀਲ ਕੀਤੀ. ਇਸ ਤੋਂ ਇਲਾਵਾ ਪਰ੍ਿੰ. ਸਤੀਸ਼ ਕੁਮਾਰ ਨੇ ਵੀ ਸੰਬੋਧਨ ਕੀਤਾ, ਜਦੋਂਕਿ ਸਟੇਜ ਸਕੱਤਰ ਦੀ ਭੂਮਿਕਾ ਲਲਿਤ ਚੌਧਰੀ ਨੇ ਨਿਭਾਈ.
ਪਰ੍ਤਿੱਗਿਆ ਮੁਹਿੰਮ ਤਹਿਤ ਇਕ ਸੌ ਤੋਂ ਵਧੇਰੇ ਨੰਗਲ ਖੇਤਰ ਦੇ ਪਰ੍ੱਤਿਗਿਆ ਪੱਤਰ ਭਰਨ ਵਾਲੇ ਮੈਂਬਰਾਂ ਨੂੰ ਛਾਂ-ਦਾਰ ਬੂਟੇ ਵੰਡੇ ਗਏ.
ਜੀ.ਡੀ. ਕਲਚਰਲ ਐਂਡ ਵੈਲਫ਼ੇਅਰ ਸੁਸਾਇਟੀ ਦਾ ਇਹ ਉਪਰਾਲਾ ਇਸ ਲਈ ਵੀ ਖਾਸ ਸੀ, ਕਿਉਂਕਿ ਪਰ੍ਤਿੱਗਿਆ ਪੱਤਰ ਭਰਨ ਵਾਲੇ ਜਿਹੜੇ ਸੱਜਣ ਇਸ ਸੈਮੀਨਾਰ 'ਚ ਸ਼ਿਰਕਤ ਨਹੀਂ ਕਰ ਸਕੇ, ਉਨਹ੍ਾਂ ਨੂੰ ਸੁਸਾਇਟੀ ਦੇ ਨੁਮਾਇੰਦਿਆਂ ਨੇ ਘਰ-ਘਰ ਜਾ ਕੇ ਬੂਟੇ ਵੰਡੇ. ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸੁਸਾਇਟੀ ਦੇ ਨੁਮਾਇੰਦੇ ਪਰ੍ਧਾਨ ਗੁਰਮੀਤ ਸਿੰਘ ਬੈਂਸ, ਦੀਪਕ ਸ਼ਰਮਾ, ਹਰਤੇਜ ਸਿੰਘ, ਸੰਦੀਪ ਕੁਮਾਰ ਵਿੱਕੀ, ਸੋਨੀਆ ਸ਼ਰਮਾ, ਨਵੀਨ ਸੈਣੀ, ਜਸਪਰ੍ੀਤ ਸਿੰਘ, ਮੈਡਮ ਅੰਜੂ, ਅਮਨਦੀਪ ਸਿੰਘ, ਸੁਰਜੀਤ ਸਿੰਘ ਢੇਰ, ਸੁਖਦੇਵ ਸਿੰਘ ਡਿਗਵਾ, ਲਲਿਤ ਚੌਧਰੀ, ਬਲਜੀਤ ਨੂਰਪੁਰੀ ਅਤੇ ਸਾਹਿਤਕਾਰ ਗੁਰਪਰ੍ੀਤ ਗਰੇਵਾਲ ਸਣੇ ਵੱਡੀ ਗਿਣਤੀ 'ਚ ਲੋਕ ਤੇ ਆਈ.ਟੀ.ਆਈ. ਦਾ ਸਟਾਫ਼ ਤੇ ਵਿਦਿਆਰਥੀ ਹਾਜ਼ਰ ਸਨ.